O 23 de abril celebrouse na escola a feira solidaria. Era voluntario e podía ir quen quixera. Alí había moitas cousas: xogos, obradoiros, exhibicións... Tamén podías mercar obxectos artesanais, participar nunha tómbola (sempre tocaba) e mercar bebidas na taberna ou obxectos subastados. Había dous concursos: concurso de rally de coches teledirixidos e concurso gastronómico.
Eu participei no gastronómico na categoría de biscoito. O biscoito fíxoo a miña avoa e gañou o 1º premio! Unha pequena parte do biscoito ía para o xurado e a outra cortábase en porcións que se vendían a 50 cts. Eu probei o que levei eu e sabía máis ben... xD. Díxome a que estaba vendéndoos que todos pedían o da miña avoa e cando se acabou enganaban á xente dicindo que era o noso e dándolle doutro biscoito. E iso que miña avoa dicía que non lle saira ben, que se lle chega saír... xD!. É que a avoa cociña que é moito :-D, verdade Iván ;-D?. Déronme un diploma é un prato cunha culler e un garfo gravados. Eran todos de madeira.
Houbo unha exhibición dos bombeiros na que te subían nunha escada enorme e desde alí vías toda A Coruña, Mera e outras zonas cercanas... Tamén había unha mangueira para que os pequenos xogasen. A outra exhibición foi de capoeira. Foi impresionante!!! Era un grupo brasileiro de capoeira que estaba na Coruña ensinándolle á xente de aquí como se fan esas artes brasileiras. Eu nunca vira ningunha exhibición de capoeira e encantoume. Había un home que tocaba un instrumento de percusión do Brasil que nunca vira. Estivo moi ben todo.
Un saúdo
David
