Actuación de Cántigas II

Como xa sabedes, o sábado 16 foi a estrea da Banda de cántigas da Terra. A actuación estivo moi ben, e compúxose destas pezas:

1.-Pandeirada do Naseiro

2.-Cantiga mareira (con baile)

3.-Pasodobre dos Matos

4.-Muiñeira Vella de Mórdomo

5.-Tocata de gaita ao altar (con zanfona)

6.-Valse Tradicional

7.-Pasacorredoiras de Ponteareas

8.-Xota dos Mariñeiros

9.-Pasodobre de Guisoi

10.-Danza do Entrenzado-Xota de Neaño (con zanfona)

11.-Muiñeira do Areal

12.-Xota dos Campaneiros (con baile)

13.-Miñas cousas

14.-Muiñeira das Mariñas (con baile)

Asistiu o noso numeroso público de familiares :-D, foi unha pena que non nos vise máis xente :-(.

Tocaron a zanfona 3 persoas, e as pezas foron preciosas. É unha verdadeira pena que este instrumento, cun son tan bonito, estea practicamente desaparecido :-(. É de agradecer que algunha xente aínda a siga fabricando e tocando :-). Bailaron 3 parellas moi ben, e fixeron que a actuación non fose tan monótona. Eu toquei tódalas pezas excepto as de zanfona, que as tocaron 3 zanfonas, 1 tambor, 1 bombo e 1 gaita. Fomos todos co traxe tradicional, xa poñerei aquí unha foto na que saio con el. En xeral, estivo moi ben.

Por certo, cobraron a 3 euros a entrada, que malvados :-D.

Déixovos, outro día contareivos o que me pasou o día 23 na Feira Solidaria da escola.

Un saúdo

David

Actuación de Cántigas

Cheguei agora mesmo de ensaiar no Forum porque cambiou a data da actuación de Cántigas e tocamos este sábado. Nun post anterior puxen que actuación era o 2 de abril, pero cambiouse para o día 16. Fomos hoxe ensaiar ao Forum para ver como quedaría todo e mañán volvemos ensaiar, pero no local de Cántigas. Así que xa sabedes, o sábado ás 8:00 quérovos ver a todos no Forum Metropolitano:-D! Ademais a entrada é gratuita, así que tedes máis motivos para vir xD. Déixovos, que teño que ir cear.
Txau!
David